جـعـفـراڻي ، شـمس

شـمس جـعـفـراڻي: ليکڪ ۽ ثقافت کاتي جو اڳوڻو سيڪريٽري شـمـس الـحـق ولـد محـمد جمن جعفراڻي المعروف شمس جعفراڻي 16 آگسٽ 1949ع تي ڳوٺ ارباب غلام ھڱورجي، تعلقي جاتي، ضلعي سجاول ۾ جنم ورتو. ابتدائي ۽ ثانوي تعليم سجاول مان حاصل ڪئي. جڏهن ته انٽر ڊي. جي سائنس ڪاليج ڪراچيءَ مان ۽ ايل. ايل. بي جي ڊگري سنڌ يونيورسٽيءَ مان حاصل ڪئي. هن پنھنجي عملي زندگيءَ جي شروعات روزاني ‘مھراڻ’ ۾ پھرين سب ايڊيٽر ۽ پوءِ 1967ع کان 1970ع تائين سجاول سب ڊويزن لاءِ ساڳي اخبار جي نمائندي طور ڪئي. بعد ۾ اطلاعات کاتي ۾ انفرميشن آفيسر ۽ وزيراعليٰ سنڌ جو پروٽوڪول آفيسر بھ رھيو. سنڌ پبلڪ سروس ڪميشن جو امتحان پاس ڪرڻ کانپوءِ سيوھڻ، حيدرآباد، شھدادپور ۽ عمرڪوٽ جي اسسٽنٽ ڪمشنر رهڻ سان گڏ ڪراچي ۽ حيدرآباد جو مئجسٽريٽ به رهيو. ان کانپوءِ ٽن سالن لاءِ کيس لاڙڪاڻي جو ڊپٽي ڪمشنر مقرر ڪيو ويو. ٻھ ڀيرا ڪوٽڙي بئراج تي روينيو آفيسر ۽ پوءِ ملير ڊولپمينٽ اٿارٽيءَ جو چيئرمئن مقرر ٿيو. پاڻ سنڌ پبلڪ سروس ڪميشن جو سيڪريٽري، سنڌ سيڊ ڪارپوريشن جو مئنيجنگ ڊائريڪٽر، ثقافت ۽ سياحت کاتي جو ڊائريڪٽر جنرل ۽ پوءِ ساڳئي کاتي جو سيڪريٽري رھيو، جتان اپريل 2009ع ۾ رٽائرڊ ٿيو. ڪجهھ عرصي لاءِ ثقافت کاتي ۾ ڪنسلٽنٽ طور ذميواريون سنڀاليون. ھن سسئي پليجو جي دور ۾ ثقافت کاتي پاران شاھھ شناسي ۽ اياز شناسيءَ رٿائن ھيٺ ڪيترائي ضخيم ڪتاب ڇپائڻ ۾ اهم ڪردار ادا ڪيو. ليکڪ جي حيثيت ۾ سندس آتم ڪھاڻي جا ٻه جلد: ‘ڪتيم سڀ ڄمار’ (2005ع) ۽ ‘اندر جنين اڌ’ (2020ع) ڇپيل آهن. پوئين ڪتاب تي کيس سنڌالاجي ڄامشوري پاران اوارڊ به مليو. مشھور محقق عزيز جعفراڻي سندس وڏو ڀاءُ هو..

داخلا ۾ استعمال ٿيل تاريخون

1949.08.16  عيسوي

شمس جعفراڻي 16 آگسٽ 1949ع تي ڳوٺ ارباب غلام هڱورجي ، تعلقي جاتي ، ضلعي ٺٽي ۾ جنم ورتو .

شخصيتون - ڀاڱي جون ٻِيون داخلائون